De ünnerirdsche Gang in Ueckermünn’


Eine Sage aus dem schönen Seebad am Stettiner Haff in unserer alten Sprache im Norden: Plattdeutsch.

De ünnerirdsche Gang in Ueckermünn’

In Ueckermünn’ sall dat ’n ünnerirdschen Gang gäwen, de von dat Schlott ut bet buten vör de Stadt geiht. De is in olle Tieden, as de Pommernherzöge noch dat Schlott bewahnten, anleggt un ok väl benutzt worn. Dat sall dissen geheimen Gang jo ok noch hütigendags gäwen, awer keen Minsch wagt em to beträden. Denn dor hollen sick Geister un Gespinster in up un oewerall liggen Knaken un Gebeen rüm, ward seggt. Toletzt is in dissen Gang een Mann in wäst, de harr von’t Gericht de Todesstraf krägen. Dat liggt all hunnerte Johr torüch. Awer se wullen em begnadigen, wenn he in den Gang geiht un dissen bet an’t Enn’ verfolgt. De Mann hett giern toseggt un hett dat dan. Awer na korte Tiet is he wedder na baben kamen, bäwernd un verstürt. He hett seggt, se sallen em leewer henrichten as noch ees in dissen Gang schicken, dor is dat to gruglig in. Dornah is keen Minsch mihr ringahn.

Mehr Sagen und Texte unter www.mieneplattsiet.de
Karin Albrecht

Schicken Sie uns Ihre Veranstaltung