De Seejumfer in’t Haff
In’t Stettiner Haff läwt all siet olle Tieden eene wunnerschöne Seejumfer. Se hett ’n Lief as ’ne Fru, awer von de Hüften dalwarts is se een Fisch. Wenn de Fischer mit ehren Kahn buten up See sünd, stiggt se oft bet an den halwen Lief ut dat Water rut un kiekt ehr bi den Fischfang to. Orrer se leggt sick up eene Sandbank un smüstert de Mannslüüd to, de an’t Äuwer mit de Nettflickerie togangen sünd. Se seggt nix, awer wecker ehr to seihn kriggt, den’n bedüd’t se Glück.
Mehr Sagen und Texte unter www.mieneplattsiet.de
Karin Albrecht