Worüm de Februar blots 28 Daag hett

As de Welt erschaffen wier un de Manden noch jung wiern, harr jeder von ehr dörtig (30) Daag. De twölf Bröder spälten giern Korden mit’nanner. Besünners Februar leewte disset Glücksspäl, awer he harr oft Pech un verlör. Eenmol markte he, dat he allst verspält harr, wat sien Eegen wier, awer he wull dat noch ees versöken. He hoffte to gewinnen. He spälte mit siene Bröder Januar un März, doch ok ditmol harr he keen Glück un wier in de Klemm’. Wat nu don, de Schullen uttoglieken? Woll orrer oewel müsst he an siene Mitspäler eenen Dag afgäben. So kümmt dat also, dat Januar un März 31 Daag hebben, awer Februar blot 28 Daag behollen künn.

(na een Märchen ut Holland)

Mehr Sagen und Texte unter www.mieneplattsiet.de

Karin Albrecht